امتلك الآن "حقيبة دونها في كشكولك القانونية" الشاملة ⚖️
سلسلة المحامي المبتدئ، شرح الدعاوى، وجميع صيغ المنصة بصيغة Word.. محتواك القانوني في مكان واحد!
تجديد الدعوى من الشطب للمحامي المبتدئ (ج10): المواعيد القانونية، الإجراءات، وصيغة الإعلان.
السلسلة الذهبية: المحامي المبتدئ
الجزء العاشر: دليل تجديد الدعوى من الشطب للمحامي المبتدئ (إجراءات وصيغ)
%20(1).jpg "دليل تجديد الدعوى من الشطب - الجزء العاشر من سلسلة المحامي المبتدئ")
"دعوتك اتشطبت؟ متخافش! الملف ده بيشرحلك إزاي ترجعها تاني، والمدة القانونية، والخطوات العملية بالتفصيل."
⚖️ اتصرفت إزاي لما الدعوى اتشطبت؟
محامي مبتدئ راح الجلسة لقاها اتشطبت! دي مشكلة بتحصل كتير، والحل هو "تجديد الدعوى من الشطب". في الجزء ده، هنشرح الإجراءات دي على هيئة سؤال وجواب، ونوضح شروط القبول، وإزاي تكتب الصحيفة بنفسك.
1. إيه هو شطب الدعوى؟ وليه بيحصل؟
شطب الدعوى ببساطة يعني إن القاضي يشيل القضية من الجدول مؤقتاً. يعني القضية لسه موجودة، بس مش هتمشي ولا هيتاخد فيها حكم لحد ما صاحبها يطلب إنها ترجع للمحكمة من جديد.
أسباب الشطب: غالباً ده بيحصل لما الطرفين مايحضروش الجلسة، أو لما المدعي ماينفذش قرار المحكمة.
مثال: لو محامي كريم مكنش حاضر، وياسر (المدعى عليه) مكنش حاضر، ساعتها القاضي يقول: خلاص الدعوى دي تتشطب مؤقتاً لحد ما المدعي هو اللي يرجع ويطلب إنها تتحدد لها جلسة جديدة.
⚠️ للحصول على شرح تفصيلي حول حالات الشطب والأمثلة العملية، يرجى مراجعة الملف المرفق في أسفل المقال.
2. ما هي المدة المسموح بها لتجديد الدعوى؟
المدة اللي تقدر فيها تجدد الدعوى هي 60 يوم من يوم الشطب. يعني قدامك شهرين بس تطلب إن الدعوى ترجع للمحكمة من جديد.
مخاطر فوات المدة: لو عدت مدة الـ60 يوم؟ ساعتها تبقى مشكلة كبيرة! الدعوى بتُعتبر كأن لم تكن، يعني كأنها ما اترفعش أصلاً. ده معناه إن كل الإجراءات اللي اتاخدت قبل كده بتروح، وهتضطر ترفع دعوى جديدة من الأول خالص.
⚠️ للمزيد من التفاصيل حول الآثار القانونية لفوات المدة، يرجى مراجعة الملف المرفق في أسفل المقال.
3. الإجراءات العملية لتجديد الدعوى من الشطب
علشان تجدد الدعوى، لازم تمشي على الخطوات دي بالترتيب:
- بنكتب صحيفة تجديد من الشطب.
- بنرفق أصل الصحيفة ومعاه صور، وكمان صور لكل مدعى عليه.
- بنروح لسكرتير الجلسة عشان يكتب البيانات ويتأشر على الصحيفة من الجدول.
- بنُسدد رسم التجديد في خزينة المحكمة.
- المحكمة بتحدد جلسة جديدة للدعوى.
- بنسلم صور للجدول، وبيتسجل التجديد على السيستم.
- الصحيفة بتروح للمحضرين عشان يعلنوا الخصوم بالتجديد.
- بنستلم الصحيفة ونقدمها للمحكمة في الجلسة الجديدة.
- بنحضر الجلسة وبنكمل في الدعوى.
⚠️ للحصول على شرح تفصيلي لكل خطوة من هذه الخطوات، يرجى مراجعة الملف المرفق في أسفل المقال.
4. إزاي تكتب صحيفة إعلان بتجديد الدعوى؟
الصحيفة دي بسيطة جداً وبتتكون من ثلاث نقاط أساسية:
1. المقدمة: ديباجة الصحيفة (شرحناها سابقاً).
2. الموضوع: بنكتب إننا كنا رافعين الدعوى الأصلية (رقمها، سنتها، المحكمة)، والطلبات المختصرة، وإننا بنطلب التجديد بناءً على المادة 82 من قانون المرافعات (لسه مخلصتش الـ 60 يوم).
3. التكليف: بنكتب صيغة التكليف بالحضور، والمحكمة، وموعد الجلسة الجديدة، والطلبات (تجديد الدعوى، الحكم بالطلبات الأصلية، المصاريف وأتعاب المحاماة).
⚠️ للحصول على النموذج الكامل للصحيفة والشرح التفصيلي لكيفية كتابتها، يرجى مراجعة الملف المرفق في أسفل المقال.
📥 حمل الملف الشامل (الشرح والصيغ القانونية)
الملف يحتوي على شرح تفصيلي لإجراء تجديد الدعوى من الشطب، شروط التجديد، والمدة القانونية، مع صيغة صحيفة إعلان تجديد الدعوى جاهزة للتطبيق.
إعداد: إبراهيم الباز النجار
مؤسس منصة «دونها في كشكولك»
نسعى لتبسيط الإجراءات القانونية للمحامين والمواطنين لضمان نيل الحقوق المشروعة.