السلسلة الذهبية: دعاوى المرافعات (الجزء الثاني)
تجديد الدعوى من الشطب: إزاي ترجع قضيتك للحياة تاني؟
%20(1).jpg "نموذج صحيفة تجديد دعوى من الشطب")
"شطب الدعوى مش نهاية الطريق، عندك 60 يوم ترجعها فيهم، وإلا هتضطر ترفعها من جديد!"
📜 القصة: راحت عليا نومة والدعوى اتشطبت!
محامي متدرب راح المحكمة لقى الجلسة اتشطبت بسبب عدم الحضور. الأستاذ قاله الحل بسيط: تجديد الدعوى من الشطب. العملية ببساطة إننا بنطلب من القاضي يرجع القضية للجدول تاني، بس لازم نلتزم بمدة معينة وإجراءات محددة عشان القضية متضيعش خالص.
1. إيه هو شطب الدعوى؟ وليه بيحصل؟
شطب الدعوى يعني إن القاضي يشيل القضية من الجدول مؤقتاً. القضية لسه موجودة، بس مش هتمشي ولا هيتاخد فيها حكم لحد ما صاحبها يطلب إنها ترجع.
أسباب الشطب: غالباً لما الطرفين ما يحضروش الجلسة، أو لما المدعي ما ينفذش قرار المحكمة.
2. المدة المسموح بيها لتجديد الدعوى (مهم جداً!)
المدة هي 60 يوم فقط من يوم الشطب. شهرين تطلب إن الدعوى ترجع للمحكمة.
لو عدت الـ 60 يوم؟ مشكلة كبيرة! الدعوى بتُعتبر كأن لم تكن، وكل الإجراءات اللي حصلت بتروح، وهتضطر ترفع دعوى جديدة من الأول خالص.
3. الإجراءات القانونية لتجديد الدعوى
- كتابة صحيفة تجديد من الشطب (بتوقيع المحامي).
- إرفاق أصل الصحيفة و 4 صور (وصورتين لكل مدعى عليه).
- التأشير عليها من الجدول وسداد الرسوم بخزينة المحكمة.
- تسليم الصور للجدول لتسجيل التجديد على السيستم.
- إعلان الخصوم (إعادة إعلان) بموعد الجلسة الجديدة.
- الحضور في الجلسة الجديدة واستكمال الدعوى.
4. كيفية كتابة صحيفة تجديد الدعوى
الصحيفة بتتكون من: (المقدمة - الموضوع - التكليف).
📝 أولاً: الموضوع (الوقائع)
ذكر رقم الدعوى، سنتها، المحكمة، والطلبات الأصلية. توضيح إن الدعوى اتشطبت لعدم الحضور، والاستناد للمادة 82 من قانون المرافعات لطلب التجديد قبل مرور 60 يوم.
⚖️ ثانياً: التكليف (بالحضور)
تكليف المدعى عليه بالحضور في الجلسة الجديدة (بالتاريخ والساعة)، والطلبات: (التجديد من الشطب، الحكم بالطلبات الأصلية، والمصاريف وأتعاب المحاماة).
📥 تحميل الملف الشامل (الشرح والصيغ)
الملف يحتوي على الشرح التفصيلي، وصيغة "صحيفة تجديد دعوى من الشطب" جاهزة للاستخدام بنفس الأسلوب البسيط والمباشر المذكور. (تم شرح كل النقاط بالتفصيل داخل الملف).
إعداد: إبراهيم الباز النجار
مؤسس منصة «دونها في كشكولك»
نسعى لتبسيط الإجراءات القانونية للمحامين والمواطنين لضمان نيل الحقوق المشروعة.