السلسلة الذهبية: دعاوى المرافعات (الجزء الثالث)
طلب فتح باب المرافعة: إزاي تقدم مستندات جديدة بعد حجز القضية للحكم؟
%20(1).jpg "نموذج طلب فتح باب المرافعة")
"القضية اتحجزت للحكم وظهر مستند مهم؟ طلب فتح باب المرافعة هو الحل لإنقاذ موقفك."
📜 القصة: مستند مهم ظهر بعد فوات الأوان!
تخيل الدعوى اتحجزت للحكم، وفجأة لقيت مستند قاطع يغير الحكم لصالحك! هل ضاعت الفرصة؟ لأ، القانون بيعطيك حق طلب "فتح باب المرافعة" لتقديم المستندات الجديدة. الإجراء ده استثنائي ولازم تتصرف فيه بسرعة البرق قبل جلسة النطق بالحكم.
1. إيه هو فتح باب المرافعة وليه هو إجراء استثنائي؟
لما المحكمة تقفل باب المرافعة وتحجز الدعوى للحكم، ممنوع تقديم أي مستندات جديدة.
فتح باب المرافعة: هو طلب بنقدمه للمحكمة عشان ترجع تفتح القضية تاني بسبب ظهور مستندات جديدة ومهمة جداً وقاطعة في الدعوى.
لية استثنائي؟ لأن المحكمة مش هتوافق عليه إلا لو المستند فعلاً قوي وممكن يغير حكمها، مش عشان المماطلة.
2. المدة المسموح بيها لتقديم الطلب
الطلب بيتقدم بعد حجز الدعوى للحكم، وحدك لحد جلسة النطق بالحكم. أول ما تلاقي المستند، اجري قدمه، متستناش لحد ما الحكم يصدر!
3. هل القاضي ممكن يرفض طلبك؟
نعم، القاضي من حقه يرفض الطلب (سلطة تقديرية للمحكمة) لو شاف إن المستندات مش مهمة، أو إن الهدف منها المماطلة وتأخير الحكم.
4. إيه مصير المستندات لو القاضي رفض أو قبل الطلب؟
❌ لو القاضي رفض الطلب:
هيفصل في الدعوى عادي، لكن المستندات اللي قدمتها بتترفق في محضر الجلسة وبتبقى جزء من ملف الدعوى، وده ينفعك بعد كده قدام محكمة الاستئناف.
✅ لو القاضي قبل الطلب:
بيصدر قرار بفتح باب المرافعة، وبيحدد جلسة جديدة. لازم تعلن الخصم بالجلسة الجديدة.
5. كيفية كتابة طلب فتح باب المرافعة
الطلب بيتكون من: (المقدمة - الموضوع - التكليف).
📝 أولاً: المقدمة
بيانات المحكمة، الدائرة، المحامي، الموكل، ورقم الدعوى، وبيانات التوكيل.
📝 ثانياً: الموضوع
توضيح حجز الدعوى للحكم، ووجود مستندات مهمة ظهرت لاحقاً ولم يتم تقديمها سابقاً.
⚖️ ثالثاً: التكليف (الطلبات)
طلب فتح باب المرافعة بناءً على المادة 173 مرافعات، وإرفاق حافظة المستندات. (مهم: لازم تمضي على صورة الطلب من السكرتير كإثبات لاستلام المستندات).
📥 تحميل الملف الشامل (الشرح والصيغ)
الملف يحتوي على الشرح التفصيلي، وصيغة "طلب فتح باب المرافعة" جاهزة للاستخدام بنفس الأسلوب البسيط والمباشر المذكور. (تم شرح كل النقاط بالتفصيل داخل الملف).
إعداد: إبراهيم الباز النجار
مؤسس منصة «دونها في كشكولك»
نسعى لتبسيط الإجراءات القانونية للمحامين والمواطنين لضمان نيل الحقوق المشروعة.