دليل الشغل الإداري للمحامي المبتدئ (ج1): من ملف الدعوى حتى أسرار الرول والأجندة

📱 نصيحة: استخدم الهاتف بالوضع العرضي لصورة أفضل وتجربة كتابة أسهل في المحاكي

🌙

فانوس القانون | الحلقة (7)

الورشة التطبيقية الشاملة: "صياغة كامل صحيفة الدعوى (موضوع وتكليف)"

📚 كيف تصيغ صحيفة احترافية؟

بعد ما اتعلمنا الديباجة، النهاردة هنبني الهيكل كامل. الصحيفة هي عنوانك قدام القاضي، لازم تكون واضحة، مرتبة، ومستندة للقانون.
النهاردة هنركز على:

• 1ـ تسلسل الوقائع: لازم تحكي القصة بترتيب منطقي (تاريخ العقد -> قيمة الأجرة -> واقعة التأخير).
• 2ـ الأسانيد القانونية: ذكر مواد القانون اللي بتدعم موقفك (زي مواد فسخ عقد الإيجار لعدم السداد).
• 3ـ صياغة التكليف: الطلبات الختامية اللي لازم تكون جازمة ومحددة.

⚠️

⚠️ تنبيه قانوني هام:

لازم تحمل ملف الشرح وتقرأه كويس جداً قبل ما تبدأ تصيغ صحيفة الدعوى في المحاكي تحت، عشان الصحيفة تطلع معاك بشكل احترافي وبدون أي أخطاء قانونية تضعف موقفك.

📚 المكتبة القانونية الشاملة 📥 تحميل ملف الشرح (PDF)

🕵️ ملف موكلك: استخراج البيانات من الحكاية

دخل عليك المكتب السيد محمد أحمد حسن، وبدا عليه الضيق الشديد، قال لك: "يا أستاذ، أنا عندي شقة في 12 شارع القصر العيني - قسم السيدة زينب بالقاهرة، أجرتها لواحد اسمه خالد محمود إبراهيم من سنة بظبط، العقد اتكتب يوم 1/1/2024 بـ 4000 جنيه كل شهر. المستأجر ده في الأول كان منتظم، لكن فجأة من شهر 9 سنة 2025 مابقاش يدفع ولا مليم، وحالياً إحنا في فبراير 2026 يعني بقاله 5 شهور (سبتمبر، أكتوبر، نوفمبر، ديسمبر، ويناير) مأخر الأجرة!"

سألته عن الإنذار، فأخرج لك ورقة وقال: "أيوه يا أستاذ، أنا بعتله إنذار عرض (تكليف بالوفاء) على يد محضر واستلمه يوم 10/1/2026 ومع ذلك برضه ما دفعش، أنا عايز أطرده من الشقة وآخد حقي".

ملاحظات لك كمحامي: * موكلك يسكن في (المعادي - 15 شارع النصر). * أنت المحامي "................" ومكتبك في (المنصورة - شارع الجلاء). * المحكمة المختصة مكاناً هي محكمة جنوب القاهرة الابتدائية لأن العين تابعة لها.
المهمة: استخرج البيانات السبعة، ثم صغ الموضوع (15 سطر) ثم التكليف.

1️⃣ المرحلة الأولى: الديباجة

اسم المدعي (الموكل):

عنوان المدعي:

اسمك (المحامي):

عنوان المكتب:

المحكمة المختصة:

اسم المدعى عليه (الخصم):

عنوان المعلن إليه (محل النزاع):

2️⃣ المرحلة الثانية: صياغة موضوع الدعوى

3️⃣ المرحلة الثالثة: صياغة التكليف (الطلبات)

🎉 مبروك يا أستاذ! تم بنجاح

انتظر الحلقة القادمة - كشكول إبراهيم الباز 🌙